Ruvua rwa utungata wa maavitha a vorithi nirurigiriritie maavitha ana kuma kaunti ya Kirinyaga gutungata ruvuari rwa maavitha a varavarari (traffic).
Ana ama merikite kwonekana mataagiririkite gutungata ruvuari ruru niundu wa wagarari wa mawatho ma uruti wa wira.
Watho uyu umanite na munene wa vorithi ukivecanwa kuri kamiti ya ugitiri ya gitaru gia gatagati, kamiti iria ivecanite ndumiriri ino kuri kaunti cia Kirinyaga, Nyeri, Murang’a, Kiambu na Nyandarua, iria iri rungu rwa gitaru giki.
Maavitha ama a vorithi maumite kauntiri ya Kirinyaga kuria mararutaga wira gituori gia Sagana.
Ana ama maramurithirue kuma wira nevenya na kuthii Kipipiri, Oljororok na Geta, kuria makavewa mawira mengi.
Kavindari wa kau, munene wa vorithi niuthamithitie Sergeant Lucy Wawira Ireri wa gituo kia Naromoru, Constable Rodger Kanambiu wa Tigoni na Constable Dennis Nyamori wa Makuyu niguo gutungata mwena uyu wa Sagana.
Ruvua rwa maavitha a vorithi a varavarari rwa Kirinyaga nirukoretwe rukimurikwa muno ni wongerereku wa wiyii wa varavarari, kuria athii, matereva a ngari na vikiviki makoretwe makithamandua.
-Mbuya Ngari-
Mbica irutitwe online
