Ruvua rwa gucokia indo cia wiyii kuria ciagiririkite nirua Asset Recovery Agency niruthengutitie igotiri cira ya ciringi million 113 iria mwiritu umwe arakoretwe akithuthurua, ndetori iria irakoretwe igikuirwa ni mbiacara ya kwiira andu mbeca yagendaga nambere.
Ruvua ruru ruratiganire na cira ino igoro Njumatatu, varia Tebby Wambuku Kago etikiritue gutumira million 113.1 iria averwe ta kiveo ni mwendwa wake kuma vururiri wa Belgium miaka iri mivituku.
Wambuku amukire mbeca ino mweri wa kana mwaka wa 2021 kuma kuri Marc De Mesel, uria wavo watumire mbeca ciingi makiria ma million 300 kuri atumia athatu na murutwa umwe wa Kirinyaga University.
Atumia ama athatu aria mamukire mbeca ni mwarwang’ina na Wambuku nike Jane Wangui Kago uria watumirwe million 49, muratawe Felista Nyamathira Njoroge uria waverwe million 109 na Sarah Wambui Kamanda akiamukira million 100. Murutwa wa Kirinyaga University na ritwa Timothy Waigwa wa ukuru wa miaka 22 nake amukire million 47.
Uthuthuria uria wikitwe wa gucarania na wikinai wa wonthe nduciarite matunda na nikio Wambuku etikiritue gutumira mbeca ciake.
-Mbuya Ngari-
Mbica irutitwe online
