Fredrick ole Leliman, avithaa wa vorithi uria witikitue kuvanga njama ya kuragwa kwa wakiri Willie Kimani, client wake Josephat Mwenda na ndereva Joseph Muiruri mwakari wa 2016 niutwiriritwe gikuu.
Maavitha engi a vorithi aria wanamo monekanite na mavitia ma uragani nimatwiriritwe kiovo, aria ni Stephen Cheburet Morogo uria wovetwe miaka 30 na Sylvia Wanjohi uria wovetwe miaka 24.
Kavindari wa kau, uria wamatethagiriria kuvecana ndumiriri itigani niuvetwe kiovo kia miaka 20.
Akivecana wamuri wake umunthi, njanji Jessi Lessit augite ekuirwa mari na mithenya 14 ya gucokia cira riko.
Wakiri Willie Kimani, client wake Mwenda na ndereva wa taxi magwatirwe mugwate vuva wa kuma igoti ria watho ria Mavoko kauntiri ya Machakos tariki 23 mweri wa gatandatu mwaka wa 2016, kuria maumite cirari iria Mwenda athitangite mwikuirwa munene Fredrick Leliman.
Miiri ya athatu ama yethirirue itetwe muvurori umwe mwena wa Ol Donyo Sabuk kiumia kimwe vuvari, tariki 30 mweri wa gatandatu na tariki imwe mweri wa mugwanja mwaka ucio wa 2016.
-Mbuya Ngari-
Mbica irutitwe online
