Civitari ya Meru Teaching and Referral niithikite miiri 153 iria andu a micii matathiite kuga ni yao vuva wa mocari gwicura na gutura gwa kwiiga miiri ingi.
Avithaa wa ugima wa mwiri civitariri ino Misheck Nyingi akiaria na andiki a movoro vuva wa kuthikwa kwa miiri ino kuria kwambiririe umunthi Njumamosi kiroko, augite miiri 111 irari ya ciana na 42 ya andu agima.
Nyingi augite miiri iria mingi yatwarirwe mocariri ino ni maavitha a vorithi, na mamithikite vuva wa gwitikirua ni igoti.
Ongererete na kuuga miiri ingi 165 ndimenyekanite micii yao, varia kiumia giuku magakorwa makithii igotiri niguo kuria gwitikirua kuthika miiri 40.
Avitha uyu wa ugima wa mwiri augite civitari ino niirathondeka mitaratara varia makarutithania wira na atongoria a wardi, macivu na maavitha a ugitiri, niguo gutigirira miiri iria yatwarwa mocariri ino ni maavitha a vorithi mithenyari yukite niyamenyekana ni yau na niguo kuthiria mwicuro wa nyomba ya kuiga miiri.
-Mbuya Ngari-
Mbica irutitwe online
