Mwiri wa mutumia niurethirirwe rumuri imwe ya nyomba ya gukombora mwena wa kibumbu tauniri ya chuka muthenya wa igoro.
Kuringana na Benson Ndeke murugamiriri mwena wa Kibumbu etirwe ni mwene nyomba vuva wa kwona ngii ikiuma dirisari ya rumu iyo iria mutigairi araturaga.
Dirisa ya rumu iyo niravunjirwe na mwiri wa mutigairi na uria uramenyekanaga ta janet mwende wethirirwa uri gitandari uri na nthakame kanyuari gake.
Wauguo maavitha a vorithi kuma stationiri ya vorithi ya Chuka nimaramenyithirwe na mekinyia mwena ucio na kuvunja murango wa nyomba iyo.
Akombori a nyomba aria maritie na nyomba cia movoro maugite mutigairi endagia miraa tauniri ya chuka na ria muthia kwonekana onekanire muthenya wa jumatano.
Uria unyitiririte giturwa kia civu wa tauni ya chukka Miriti mbaka augite mutigairi arari nyina wa ciana igiri na mwana umwe wake umwe niaretererete kugukuma kirathi kia form one .
Nyina wa mutigairi na uria uramenyekana ta Jenesia Karimi augite arethiririe mwiri wa mwari wi na nthakame na ari mwimbu ivu na miromo.
Wauguo niuritie uthuthuria gwikwa nevenya niguo kumenya nindwi kirauragire mwari .
Mwiri wa mutigairi niuviritwe nyombari ya kuiga miiri ya Chuka county Referral wetererete gwikirwa kithimi kia post-mortum.
-Mwende Jackie
-Mbica irutitwe online
