Muthikafu wa Arc diocese ya Nyeri Antony Muheria niathathaurite ndumiriri ya baba mutheru Pope Francis, oriri ararikiriria icera riake bururini wa South Sudan.
Augite mabururi ma Afrika nimabatii kunyitanira bari kugacirithia thayu, makiria muno mabururini maria makoretwo na mbara.
Ningi muthikafu Muheria augite pope Francis niabundithitie etikia bata wa kuthii na mbere na gutamburukia ciiko cia tha.
Augite njira ino noikinyanirio etikia mangitikira kugacirithia witika wao kuuma ngoroini.
Ningi niagwetete bata wa andu kugia na thayu na kuhimbiria guikarania wega gutari na mbara, makiria muno cia kimicii.Augite akenya nimagiriirwo kwithema mbara na mbukaniriro kuuma o miciini yao.
Akiaria na ceceni imwe niaugite atongoria a Afrika nimabatii kugia na urumwe, na kugia na utongoria mwega gutari na mugayukano gatagatiini kao.
Na bari utongoria wa bururi,Muheria augite nikubatii gukorwo na gitio gatagati ka atongoria.Muthikafu Muheria augite atongoria a kanitha nimagiriirwo kuruta wira niundu wa gitumi kia uthii wa nambere wa bururi.
–Muriithi Amos-
Mbica irutitwo online
