Mutumia wa ukuru wa miaka 57 niukwite utuku wa kuramuka umunthi vuva wa mwaki kuvivia nyomba yake mwena wa Riandira kauntiri ya Kirinyaga.
Mwiri wa Dorcas Wangeci uronekire vuva wa ekari kuvoria mwaki uyu uria uratuthukire thaa inya cia ituku igoro, ino ni kuringana na komanda wa vorithi wa Mwea West nike Wilson Koskei.
Gutiri mundu wingi urari mutinori ucio niundu ciana ciake ituraga Nairobi.
Ekari a mwena uyu na aria maravoririe mwaki uyu, maugite mareciragia gutirari mundu mucii niundu ng’ombe ciake iratindire kiagari muthenya mugima igoro na kwa maramakire methira mwiri wake gitandari.
Riu nimarauria uthuthuria wikwe makiuga uyu ni undu uri na kiriga, ati mwiri wake kwithirwa gitandari na kavinda wa kau mitungi iri ya gas kwithirwa itaripukite.
Munene wa vorithi Koskei niugite vorithi nimaambiriritie uthuthuria wanathengia wa ekari gwikuira mwaki uyu kwa urakirue.
Mwiri wa mutigairi niutwaritwe nyombari ya kwiga miiri ya Kibugi mwena wa Kutus weterere gwikirwa kithimi gia postmortem.
-Mbuya Ngari-
Mbica irutitwe online