Kiama kia ODM nigiukiriire ambunge aria mekuthiite thingiraini wa iregi umuthi, niguo kugia na mucemanio na mutongoria wa bururi William Ruto.
Kugerera ndumiriri iria irekereirio ni mwaria wa kiama kiu Phillip Etale,kuthii kwa ambunge acio gutinoka ta undu munene kurio, nigukorwo amwe ao nimaronekanite mari na wendi wa gwika uguo.
Kuringana na ODM,amwe a atongoria acio gucagura kwagira kiene utongoria wa iguru wa kiama, ni kuthii mugariu na andu aria mamathurire.
Kiama kiu nikiuritie akenya guteaniria icera riu ria thingira wa iregi, akimagweta ta atongoria e endi na andu matongoretio ni nda ciao.
Kuringana na ODM, micemanio iria ibangitwo ya mirurungano no ikuthii na mbere, ota uria irabangitwo bau kabere.
Ona thengia ya gukorwo agenda cia mucemanio uyu itinamenyekana, Raisi Ruto augite niagite na mucemanio ucio wa gucenjania meciria na amwe a atongoria kuuma mwena wa Luo Nyanza.
Kugerera mutambo wake wa twitter Raisi Ruto oritie atongoria kugia na urumwe na kunyitanira niguo kuthingicira mathina maria magumiire akenya.
Ambunge acio amwe ao mauma Gideon Ochanda wa Bondo, Elisha Odhiambo wa Gem, Mark Nyamita wa Uriri, Caroli Omondi wa Suba ya Kianda, senator wa Kisumu mheshimiwa Tom Ojienda, Felix Odiwuor na uria uikaine ta Jalang’o wa Lang’ata bamwe na angi.
–Muriithi Amos-
Mbica irutitwo online
