Mumbunge wa Manyatta, Gitonga Mukunji muthenya wa umunthi niuthundirite muvango wa urugamiriri wa mathomo uria erire ekari a gicigo mbunge kiu niundu wa mbeumbithi kugia na course cia njara.
Mukunji aritie ai cukururi ya Manyatta Technical and Vocational College iria ii Mbukori wardiri ya Gaturi South kuria athundurire muvango uyu na muigana wa milioni 1.7 iria irivirite andu 67 marivi maao ma vici ya mwaka mugima.
Agitariria aina muoroto wa kurivira arutwa 100 mwaka uyu wa 2023 niundu kwiina engi makengira cukururi ucio mweri wa gatano mwakari.
Wauguo niugite muvango uyu ukathii nambere miakari yukite ti undu wa kavinda.
Vamwe na uthunduri uyu, Mukunji niutariritie muvango wa Jitume uria augite wiina muoroto wa gutethia mbeumbithi kuruta wira na njira ya mitambo ya ukinyaniria ya kiriu varia vanduri va mweri umwe matanyite kugia na computer 100 gutethereria muvangori uyu.
Kaari wa Mugendi
Mbica irutitue online
