Mwiri wa uria wari minister wa kithomo Prof George Magoha kiroko kia umunthi niurutitwe nyombari ya kwiga miiri ya Lee, mevaririari ma mathiko make ma muthenya wa Njumamosi tariki 11 mweri wa kairi.
Vuva wa mwiri kurutwa mocari ya Lee, utwarirwe oviciri cia Kenya Medical Practitioners, Pharmacists and Dentists’ Union (KMPDU), Nairobi.
Guku oviciri ino, arigitani kiamari giki nimavere Magoha gitio kiao kia muthia niundu arari umwe wao.
Engi aria magucakayaga na aria maumite vururiri wa Nigeria kuria mutumia wa Magoha aumite, nimainire nyimbo cia unduire wa Nigeria.
Mwiri wa Magoha niukorwa ukirara gwake mucii mwena wa Lavington vuva wa gukinyua miena ngurani kuu Nairobi.
Muthenya wa rucio Aramici, igongona ria kiririkano nirigekika mwena wa Consolata Shrine, Westlands na igongona ringi rigikika kuu gwake mucii Lavington.
Muthenya wa Njumaa, mwiri wa Magoha ugakuwa na ndege na gutwarwa Siaya kuria gugakorwa na igongona ringi ria kiririkano, mbere ya mathiko make mekikirite universitiri ya Odera Akang’o, Yala muthenya wa Njumamosi.
Mucii wa Magoha niumucakaite ta mundu uretikitie mucii na mathommo ma gikristu.
-Mbuya Ngari-
Mbica irutitwe online
