Igoti ria kurua na ungumania vururiri niritikiritie munene wa nthitango cia mwingi kuthengutia igotiri cira iria ikuruvanitie uria wari murungamiriri munene wa kambuni ya utambia wa thitima vururiri Kenya Power nike ndagitari Ken Tarus niundu wa gutura kwa uira.
Akivecana wamuri uyu, njanji Elizabeth Juma augite igoti ritingithii nambere na cira ino kana gucukuma ovici ya munene wa nthitango cia mwingi kuthii nambere na cira ino.
Kunari uguo, munene wa nthitango cia mwingi Noordin Haji niugite niukuthii nambere na cira ino ya maavitha engi anana aria morotetwe na kuvecana kandarathi kuri kambuni ciingi ndeto iria yarikiririe na kuungumanua gwa ciringi million 159 uriviri wa kandarathi ino.
Andu ama anana ni murungamiriri wa networks Daniel Tare, murungamiriri wa supply Daniel Muga, uria wari murungamiriri wa kigina Harun Karisa na amemba atano a kamiti ya uvecani wa kandarathi nimo Benard Muturi, Evelyne Amondi, Noah Omondi, John Njehia na James Muriuki.
-Mbuya Ngari-
Mbica irutitwe online
