Raisi William Ruto muthenya wa umunthi Njumaa niwivoketwe gukorwa na mucemanio na mangavana a kaunti cionthe wariria kuri na ngucanio cia kimbeca gatagatiri ka thirikari ya vururi na mangavana.
Mucemanio uyu wa mithenya iri mwena wa Naivasha kauntiri ya Nakuru na uria wicikene ta Ninth National and County Government Coordinating Summit, niukorwa muno muno ukiaririria mathina ma mbeca maria mari vururiri.
Munini wa raisi Rigathi Gachagua, maminista na andiki akaru wanamo nimevoketwe gukorwa mucemaniori uyu.
Maundu mengi matanyitwe kwaririrua ni maundu ma gikatiba, ugai wa mawira na utonga, mendekithia ma vata maria maravutia thirikari cia kaunti, rivoti cia utumiri wa mbeca kuma kuri muthurimi wa mathavu ma mwingi na ciira cia igoti gatagati ka thirikari ino igiri.
Mucemanio uyu ukite wana kiumia kimwe gitathirite vuva wa munini wa raisi Gachagua kuuga thirikari cia kaunti itingiongererwa mbeca iria marenda kuma billion 370 nginya billion 425.
-Mbuya Ngari-
Mbica irutitwe online
