Igongona ria mathiko ma uria wari minista wa kithomo, Prof George Magoha nirirathii nambere kuria kaunti ya Siaya cukururi wa Maseno University Odera Akango Campus na varia rikinyitue ni atongoria matiganite undumwe na andu kuuma miena itiganite ya nthi.
Prof Magoha niwagiire ngumo muno vindi iria ari minista wa kithomo ikiririkanwa wega vindi yake niruo mutaratara muceru wa CBC wambiririe.
Muruanyina na mutumia wake, ndagitari Barbara Magoha nike ndagitari Effiok Essien niugathiriritie Magoha urutiri wira wake akiuga ni mundu uraina kiio.
Engi mekinyitie mathikori mama ni uria wari rais Uhuru Muigai Kenyatta, mutongoria wa ODM, Raila Odinga gatagatiri ka engi. Mutumia wa Raila, Ida Odinga akiaria niugite nimakoretwe na urata gwa kavinda na mucii uyu wa Magoha.
Magoha akuire tariki 24 mweri muvituku thivitariri ya Nairobi aina ukuru wa miaka 70. Atigite mutumia wake ndagitari Barbara Magoha na muvici ndagitari Michael Magoha. Magoha niathikwa iturari ria Umira.
Kaari wa Mugendi
Mbica irutitue online
