Micii 30 thiini wa Estate ya Eastleigh tauniri ya Elburgon kauntiri ya Nakuru itigitwe itari na vandu va kumama ino ni vuva wa mwaki kuvivia nyomba ciao ,mathaari ma muthenya umunthi.
Mwaki uyu ututhukire mathaari ma thaa mugwanja cia muthenya na kuvivia nyomba ino na gutiri kindu wanari kimwe kivotire kuvonokua kuma nyombari ino.
Umwe wa aria maurirwe ni indo ciao David Muturi augite nikwa amenyithirwe uvoro wigii mwaki uyu ni andu a vakuvi.
Athiite nambere na kuuga atere indo cia mwigana wa mbeca ngiri 800,000 iri vamwe na ngunia cia mbembe.
Mwikari wingi wanake na uria uramenyekana ta Margret Waithira augite aurirwe ni indo cia mwigana wa ngiri 500,000.
Mwaki uyu niuvorirwe ni avoria a mwaki kuma kauntiri ya Nakuru guku ekari magicokeria avoria a mwaki kauntiri iyo ngatho niundu wa guoca ikiyo ria nevenya kuvoria mwaki ucio.
Kiumo kia mwaki uyu gutimenyekanite.
-Mwende Njiru
-Mbica irutitwe online
