Mumbunge wa Bondo ndagitari Gideon Ochanda muthenya wa umunthi Njumaine niutigithitue wira wake ta mwandiki wa kiama kia ODM ruvuari rwa Bondo.
Indi ya mucemanio uria utongorirue ni senata wa Siaya ndagitari Oburu Oginga, amemba a kamiti ya ruvua ruru aria macemanirie oviciri cia ODM mwena wa Bondo metikanirie Ochanda engatwe kiamari.
Akithoma wamuri wao, munini wa mwenegiti wa ruvua ruru nike George Ochieng Mawere, augite giturwa giki kia mwandiki gigekarirwa ni MCA wa Yimbo East nike Francis Otiato.
Otiato augite watho niugite mitaratara iria ivatie gwocwa kuri amemba a kiama aria makagwatanira na mwena wa mung’ethaniro, akiongerera ati mumbunge Ochanda niwatigite wira kiamari kia ODM kuvitukira ciiko ciake.
Senata Oburu augite ODM ndigetikiria mitugo itari miega utongoriari wao na amembari ao, akiorota ndagitari Ochanda na gucukanira mutongoria wao Raila Odinga.
Augite akenya mavatie gwitigira raisi William Ruto na mivango yake ya kuguciriria mwena wa mung’ethaniro, akiuga riu ni ikinyo ria kuraga wiyathi na gucokia vururi indi ya kiama kimwe vururiri.
-Mbuya Ngari-
Mbica irutitwe online
