Mutongoria wa Azimio Raila Odinga, augite niarikitie kwaraniria na andu aria marerikana kuthoga maumirira ma kithurano kinene na kuria kura ciake makiria ma milioni igiri turuma igiri ciairwo.
Kugerera miario ya imwe kwa imwe na ceceni imwe ya tv guku bururini, muthenya wa ira prime minister ucio wa tene augite ndekwamba kugweta ciigii kithurano, onginyagia riria agacokaniriria uira guothe.
Augite niagite na unyitaniri na athogi a mithambo kuuma nja ya bururi, niguo kumenya nikii kiathire na mbere bindi ya kithurano kia mwaka muthiru.
Kuringana na Raila andu acio maingirire bururini na machine na migendere yao ikirumirirwo kwa ibinda ria mweri umwe, undu uria watumire matabanirie mibang’o yao nja ya mucii wa Nairobi.
Kuringana na Mheshimiwa Raila, Raisi Ruto agwatire kura milioni 5.9, nayo azimio ikigwata kura milioni 8.1 na kuoguo magicinda kenya kwanza na kura milioni 2.2.
–Muriithi Amos-
Mbica irutitwo online
