Atongoria a kiama kia National Resistance Movement (NRM) vururiri wa Uganda nimagwatite mbaru raisi Yoweri Museveni itanyari riake ria kuvuranira giturwa giki waringi mwakari wa 2026.
Atongoria ama magwatire Museveni mbaru muthenya wa Njumaviri indi ya ngunguiro cia uviki wa mwenegiti wa kiama giki Moses Karangwa.
Kuringana na mutarani munene wa raisi na mutongoria wa ovici ya mwenegiti wa kiama kia NRM nike Hadijah Namyalo, raisi Museveni nike maragwata mbaru, nwati niundu wa undu wa wonthe uria ungikika muvici Gen. Muhoozi Kainerugaba nike ugocerera.
Yoweri Museveni wa ukuru wa miaka 78, akoretwe ari raisi wa vururi wa Uganda kuma mweri wa January mwaka wa 1986.
Athurirwe ringi January mwaka wa 2021 termuri yake ya gatandatu vuva wa kambini na vuva wa igoti rikaru kuthengutia watho wa mundu ndavatie kuvuranira uraisi arigukinyia miaka 75.
-Mbuya Ngari-
Mbica irutitwe online
