Uria wari raisi Uhuru Kenyatta niucaguritwe gutongoria timu ya amemba 90 ya kiama kia urumwe wa Africa niguo kumurika kithurano kinene kia vururi wa Nigeria, kiria gitanyitwe gugekika tariki 25 mweriri.
Thiini wa ndumiriri iria iravecanirwe igoro Njumaine ni kiama kia urumwe wa Africa, wira wa timu ino ni kuvecana wamuri wao iguru rigie uria kithurano giki gigekika, ari vamwe na kuuga kana kithurano kiu nigigakinyaniria ikiro iria ciendekaga cia gitaru kia Africa na itaruri iria ciingi.
Wavo timu ino niikavecana mendekithia ma kwagirithia ithurano vururiri ucio na uria mangitigirira kuri na wiyathi, thayu na uthii wa nambere kuu Nigeria.
Andu matanyivirite million 100 nimagekia kura niguo gucagura uria ugoca utongoria kuma kuri raisi Muhammadu Buhari, uria ukoretwe agitongoria vururi ucio termu igiri.
-Mbuya Ngari-
Mbica irutitwe online
