Ekuirwa anna na aria marekuirwa kwia mwana kuma thibitariri wa Bungoma County Referral muthenya wa umunthi nimarekereretue na Bond ya sh ngiri 300,000 kana mbeca cia mwigana wa ucio kana mbeca vari vari ngiri 80,000.
Ekuirwa aya anna na aria ni Dr Joseph Owola, Irine Atieno, Robai Nanyama na Joseline Nakhumincha marekereretue ni mucirithania munene Charles Mutai vuva wa kurega nthitango.
Kuringana na ndumiriri cia maavitha a vorithi anna aya maiire mwana wa Mercy Chebet mweri muthiru mwaka muthiru vuva wa kurathimwa na ciana cia mathatha.
Wauguo Chebet niwaverwe mwana umwe wa keritu na vuva wa kuria mwana ucio wingi ndona wakumuthikiriria.
Chebet niwaripotire thiini wa stationi ya vorithi ya Bungoma undu uria waviririre gwikwe uthuthuria .
Mwikuirwa umwe na ritwa Nakhumincha vuvari niwonekanire na mwana mari na aya engi athatu .
Ekuirwa aya nimaikirwe ngono na marakoretwe mavingiritwe vari kavida ga kiumia kimwe.
Cira uyu ukagwetwa ringi tariki 17 mweri wa kana mwakari na wauguo uthikirirwe tariki 6 mweri wa gatandatu mwakari wa uyu turi naguo.
-Mwende Njiru
-Mbica irutitwe onine
