Kwambatira kwa thogora wa maguta nikuvutitie nvonge itiganite cia muturire varia ekari a vururi uyu mathiite nambere kuvinyiririka ni undu uyu. Kwambata guku kwa thogora wa maguta gukicangira kwambatira kwa thogora wa irio.
Aria mari na ngari magikaa niundu wa gukorwa riu matiri na uvoti wa gutigirira ngari ciao ii njirari. Woni unyititue mbaru ni aria mari mbiacarari ya ukui na vikiviki kana iria ciecekine muno ta Bodaboda.
Aria mari mbiacarari ya bodaboda maiongorera gutiri na vaita marathondeka niundu mbeca cionthe iria maragia maratumira uguriri wa maguta. Riu ekari aya nimauritie thirikari kumanyiviria thogora wa maguta.
Yura nario nirigumirite ekari a kaunti ino ya Embu wa ta kaunti iria ciingi na irio itiragurika niundu wa thogora kwambata varia micii mingi irarara ivutii.
Ekari a kaunti ya Embu nimaugite mathurire Rais William Ruto niundu ni mwitigiri Ngai na maina kirigiriro gia kuvingirua maria maramathinia.
Kaari wa Mugendi
Mbica irutitue online
