Ruvonge rwa kithomo kuvitukira minista Ezekiel Machogu niruritue gukorwa na murungamo munyinyu ndetori iria maugite ciana itivatie kwingatwa cukuru niundu wa marivi maria marongererwa ni arimu, mbeca iria itari mutaratarari wa ruvonge ruru.
Uyu ni mwito umanite na mwenegiti wa Kenya National Chambers of Commerce and Industry Embu, John Mugo Mati.
Mati augite gutiri na vata wa ciana kwingatwa niundu wa kindu ta mbeca cia irio varia augite aciari mavatie kwivanga uvorori wigie mirire ya ciana ciao, twanginya marute mbeca cia kuruga cukururi.
Mwenari wao thirikari nayo ikiurua kurekereria mbeca cia kithomo kavinda karia kaagiririkite niguo gutigirira arimu matirambiriria gwitia aciari mbeca cia kuvirithia nambere kithomo.
Kavindari wa kau, Mati augite arimu mavinda mamwe mararega gwikirira kithomo gia ciana cukururi cia thirikari niundu ciana ciao irathomera cukuru cia andu kiumbe, varia augite thirikari ivatie gwikira watho wa arimu ama kuthomithiria cukuru iria marathomithia niguo mekire kio.
-Mbuya Ngari-
Mbica irutitwe online
