Kiama kia arutwa a university vururi wa Kenya nikio KUSO nikiuritie raisi William Ruto gutecaniria riendekithia ria kamiti ya kuthuthuria ugaruruku uria ungikwa ruvongeri rwa kithomo, riria riendekithitie kwongererwa gwa vici ya university kuma ciringi 16,000 nginya 52,000 vari wa semester.
Makiaria mari mwena wa Kisumu umunthi Njumaine, kiama giki nikimenereretie rivoti iria iravecanirwe kuri raisi kiumia kivituku, makiuga ndiramurika uria uturo wikarie thaa ino na mathina maria arutwa a university mavitukagira.
Coordinator wa ruvua rwa KUSO rwa Nyanza nike Hannington Oguk augite thirikari ivatie gwiciria kwongerera mbeca iria ivecanagwa kuri universities niguo mbeca icio igatumirwa kurivira mivango itiganite ya kithomo niguo gutethia arutwa aria maumite micii iria itari na uvoti.
Mwenari wake, raisi wa arutwa cukururi wa Maseno University nike Victor Omollo niuritiue board ya kuvecana mikovo kuri arutwa niyo HELB kumurika uceru mikovo iria ivecangwa kuri arutwa, niundu wa kwambatira kwa miturire.
-Mbuya Ngari-
Mbica irutitwe online
