Wagirithia wa kigwanja kia Moi tauniri ya Embu niuthiite nambere niundu wa ngunguiro cia muthenya wa Madaraka mwaka uyu wa 2023, varia umunthi Njumaine atongoria kuma thirikariri ya vururi maraikinyitie kigwanjari giki kuroria uthii wa nambere wa wira magitongorua ni mwandiki mukaru wa ugitiri wa ndari ya vururi Raymond Omollo.
Omollo augite ngunguiro ino igekika kigwanjari kia Moi mugaru na uria kwerikanite navau kavere ati igakorwa igikikira kigwanjari kia Njukiri, ndeto iria icungiritwe ni kavinda kanini karia kari vo ka wivariria.
Wavo augite mworoto munene wa ngunguiro cia mwaka uyu niicenjetue ikiringanithua na miaka iyo ingi iria yarongoragiria ugima wa mwiri nwati mwaka uyu niukorwa wa kurumbuiya mbiacara nini na cia gatagati.
Mwenari wake ngavana wa kaunti ya Embu Cecily Mutito Mbarire niuritie ekari kauntiri ya Embu kwiyumiria gwoca mieke ino ya mawira guku akiuga wanagukorwa kigwanja kia Njukiri tikio gigekirwa ngunguiro ino cia Madaraka, nwagikarikua.
Mumbunge wa Manyatta Gitonga Mukunji nake niucokeretie raisi ngatho wa undumwe na ngavana wa Embu na anyiti itemi engi aria mathiite nambere kugwatanira gutigirira wivariria uyu niwakinyirika.
Riri nirio rita ria kairi atongoria ama maraikinyia kuroria wira uyu. Andiki akaru a mbonge cia Defense, ukui na mithako wanamo nimarekinyitie kigwanjari giki kia Moi.
-Mbuya Ngari-
Mbica irutitwe online
