Aikari a itura ria Kiamuguongo kaunty ya Kirinyaga marokirire na kimako thutha wa gukorana na mwiri wa mundurume waraganite kithakaini muthenya wa ira kiroko.
Mwiri ucio ukurinite ta wa Peter Mugo, wa ukuru wa miaka 51, kuuma wardini wa Kiini Gicigo mbunge kia Ndia.
Kuringana na aikari,mwiri ucio uronekanire ni andu a itura riri aria marathiite kuuna ngu.
Komanda wa borithi wa Ndia Moses Koskei niwe urekirire mukonde ndeto ino.
Andu amwe a nyumba ya Peter maugite mwanake wao aya gukorwo nikuragwo aroragirwo, nigukorwo ndarari na rekodi oyothe ya ndwari, iria ingiracungiriirie gikuo giake.
Riboti makiria irauga mutigairi ararutaga wira ta ndereba taunini ya Kagio.
Mwiri wake niutwaritwo nyumbaini ya kuiga miiri ya Kibugi mwena wa Kutus.
Komanda wa borithi wa guku Ndia augite metererie riboti ya kithimi gia post mortem, niguo kurikiriria uthuthuria wao.
–Muriithi Amos-
Mbica irutitwo online
