Aburi biashara kuuma thokoini ya Nyamlori kaunty ya Kisumu muthenya wa umuthi, nimaumururukire na kuingira wabici cia kaunty, ni kiria mareta kumomorwo gwa kioro gia kanju bamwe na kibingo kia thoko yao.
Guku makuite ibango ciandikitwo ‘Haki yetu’, aburi biashara aya maugite iboto ciao niciagararitwo,makienda utongoria wa thoko iyo ukorwo ukithikiriria mateta mao.
Aruti a wira a wabici ici nimacokire kwithara niundu wa gwitigira kutharikirwo ni aburi biashara aya, na aria maugire matirathenga bau nginyagia mateta mao makorwo makimurikwo.
Thuthaini, munini wa kaunty komishna niwe ucokire kwiumiria na kumathikiriria.
–Muriithi Amos–
Mbica irutitwo online
