Thirikari niyaniririte nigukorwa ikirugamirira mathiko ma arutwa atano a cukuru wa Friends school mbihi na aria marakwirire mutinori wa varavara varavarari ya Nakuru kuthii Nairobi kivwai kia muthenya wa igoro.
Minista wa kithomo Ezekiel Machogu ndumiririri yake kuri nyomba cia movoro muthenya wa umunthi augite ruvonge rwa kithomo nirugukorwa wanaruo rukirugamirira marivi ma urigiti ma arutwa mugwanja na aria marativangirue mutinori ucio.
Minista wauguo augite mari ruvonge rwa kithomo nimacakaite na vamiri ya aria maratigirwe ni edwa ao guku akiririra utethio vamiri iria ciana ciao iravonokire mutinori uyu.
Arutwa ya maratwire ngari ya matatu kuma cukururi yao kauntiri ya Vihiga vuva wa kuvinga menukite mucii mwena wa Nairobi .
Vuva wa gukinya mwena wa Naivasha nivo dereva wa matatu iyo aratere mwerekera vuva wa kuringana na lori undu minista Machogu augite niurathururua.
-Mwende Njiru
-Mbica irutitwe online