Maavitha a vorithi kauntiri ya Kirinyaga nimaikitie ngono mundumurume umwe na uria urekuirwa gukorwa agitavania ciiko cia wyii mwena ucio.
Mundumurume uyu aikiritwe ngono mugundari wa mucere mwena wa Thiba kiroko kia umunthi .
Kurari na gicanjama mugundari wa mucere mwikuirwa agikua ngono ni athuthuria awiki nai kuma stationiri ya vorithi ya Kiamaciri ino ni vuva wa ngari ingiri na iria araiite kwamatwa.
Ekuirwa acio engi airi nimatorokire makiurira ekari a mwena ucio na aria maraina marakara.
Kuringana na komanda wa vorithi wa sub-county ya mwea west Mbatian Kantai ngari imwe iriitwe kuma iturari ria kangaita kirinyaga ya gatagati guku nakuo ngari iyo ingi ikiiwa kuma iturari ria Kiangai mwena wa Ndia mbere ya ciamatitwe mugundari wa mucere wa THiba.
Ekari a kirinyaga makoretwe magiteta ni kuongerereka gwa ciiko cia wyii wa ngari.
Komanda Kantai augite mwikuirwa avingiritwe stationiri ya vorithi ya Kiamaciri guku acio ekuirwa acio makithii nambere na gucaranua nao.
-Mwende Njiru
-Mbica irutitwe online