Maavitha a vorithi nimaikitie ngono mutumia wa muvunjia Paul Mackenzie uthuthuria wigii gikuo kia andu makiria ya igana rimwe na aria makwire vuva wa kwiima niguo mone ngai ukithicaga nambere.
Mutumia uyu na uria uramenyekana ta Rhoda Mumbua Maweu aikiritwe ngono kuria arethithite mwena wa Mtwapa mari na tata wake utuku wa igoro. ino ni kuringana na maavitha a vorithi .
Uthuthuria wonanitie mutumia uyu wa muvunjia Mackenzie onekanite akinyita itemi rinene mootungatari ma kanitha uyu.
Muvujia Mackenzie akoretwe agikuruvanua na mavitia ma kuguciriria andu mavunjioro mogomo ma kuria andu meime niguo mone ngai undu ucungiririre ikuo cia andu engi.
Maavitha a vorithi maugite mutumia uyu wa Mackenzie niwakoretwe akiruta wira munene wa kuguciriria andu aceru mavunjiori mau.
Mutumia uyu wa Mackenzie ni wa kathatu , mutumia wa mbere akwire mwakari wa 2009 na agitiga ciana ingiri, muvunjia Mackenzie akivikania ringi mwakari wa 2012 na mutumia wake wa kairi agikua mwakari wa 2017 na agitiga ciana inya .
-Mwende Njiru
-Mbica irutitwe Online