Thirikari ya County ya Embu niiruguritie mutaratara muceru wa wandikithia na uvecani mbeca cia gutethereria marivi ma cukuru kana Bursary.
Ngavana Cecily mbarire augite mutaratara uyu ugatigirira wa mwana niureyandikithia imwe kwa imwe guku akiuga ugakorwa uri undu muvuthu wa kurumiriria uvecani wa mbeca ino.
Mbarire na uria waritie vindi ya kuruguria mutaratara uyu muceru thiini wa cukuru ya gukuria taranda Embu auritie aria mathuritwe kamitiri ya uvecani mbeca ino gutigirira ciana cionthe niciagunika uria kuvatii.
Mbarire augite thiini wa muvango uyu wa kuvecana mbeca cia gutetherereria thiini wa mathomo, marimba gutenga mbeca cia gutethereria athomi a Secondary na cukuru cia uvundi.
Mbeca iria ivangiritwe kuvecanwa itinari riri ria mbere ni ciringi mirion 100 guku kigina kiu gigitanywa kuthii kwongererwa mavinda maukite.
Mbarire augite niguo gwitikirika, iratathi riria rigakorwa riandikitwe maritwa ma arutwa aria makinyaniritie ikiro cia kuvewa mbeca icio, ivatii gukorwa icainitwe ni akamiti onthe.
-Mugendi Muriithi-
