Mubunge wa Manyatta, Gitonga Mukunji, augite ithurano cia mwaka muthiru ciari na wigiririki mwingi na kuuga icio nicio ciari ithurano iria mbagiriru muno Kenya.
Akiari ari kaunti ya Nairobi, Mukunji augite wanathengia ya gitaru kia Africa gukorwa na thiina wa mitaratara ya kuroria ithurano vamwe na kuvecana maumirira, kwina vata ya akenya vamwe na ekari a Africa gwitikiria nvonge iria irugamagirira ithurano, kuruta wira wacio, niguo kuthiria nguii iria cieyumagiria ithurano ciarika.
Wauguo, mubunge ucio, augite kwina vata ya Azimio kuva kanya thirikari iria ithuretwe ni akenya, kanya ga kuruta wira wayo, na kuuga Azimio nimathukiritie ruvonge rwa kurungamirira ithurano vururiri kana Independent Electroral and Boundaries Commission kana IEBC, ritwa wanagukorwa mavururi ma Africa makoretwe makiroria Kenya ta kionereria kiaro kia ithurano.
-Murugi Ndwiga-
-mbica irutitwe online-
