Komiconi ya kuvurana na ungumania guku vururiri vanduri va mithenya iiri mivituku niikitie ngono ekuirwa aana aria makoretwe magitia mbeca kuuma kuri mwingi kauntiri cia Nairobi, Kakamega na Murang’a.
Thiini wa ndumaniriri yaao muthenya wa umunthi, EACC niyugite aana acio nimarikitie gukinyua oviciri cia EACC miciiri minene ya Nairobi, Bungoma na Nyeri. Wauguo nimakinyitue thiini wa station cia vorithi itiganite magieterera makinyo makiria.
Mwaria wa komiconi ino, Eric Ngumbi niugite nigukoretwe kwiina namba nene ya andu aria mareganite na kuvecana mavaki maria maretua ni maavithaa oviciri cia mwingi guku magioca ikinyo ria kuthitanga andu acio kuri EACC.
Kunari uguo niugite kwiina aria mekiririte mutugo ucio na kwiingiria maavithaa oviciri cia mwingi thiini wa mutugo ucio.
Kaari wa Mugendi
Mbica irutitue online
