Murugamiriri munene wa kigina thivitariri ya Nairobi Eric Maigo muthenya wegoro niuragitue muciiri gwake kuria Woodley, undu uria urekuirwa gukorwa iri mburagano.
Kuringana na rivoti cia maavithaa a vorithi, mwiri wa Maigo uronekanire wiina ndivangio 16 cia tuviu, 10 kithuriri na ciingi mienari.
Maavithaa a vorithi nimarathii nambere na uthuthuria nwati nimarekuira mutumia uria urari na Maigo kavindari ga gikuu giake ari mwikuirwa munene.
Avithaa uria urugamiririte station ya vorithi ya Kilimani, Moss Ndiwa niugite andu aria mavakanite na Maigo nimareguire akirarama na ruo na mutumia ucio arega kurugura murango varia aratorokire vuva ya maavithaa a vorithi makinya gicigori giki.
Ndiwa akiongerera maavithaa a vorithi nimaracarania na mutumia ucio utaramenyekana na uria kurekuirwa aratorokere ndiricari vuva ya kugera ngero ino.
Kaari wa Mugendi
Mbica irutitue online
