Murungamiriri munene wa komiconi ya kuruwa na ungumania vururiri kana Ethics and Anti-Corruption Commission (EACC), Twalib Mbarak, augite kwina njama kuma kwi amwe a magavana na aruti wira aviciri cia thirikari kwiya mbeca iria irutitwe niguo gutethereria kuvurana na mathina maria maukanagia na mbura ya El-Nino.
Mbarak, augite komiconi iyo niinyitite rivoti iria ironania amwe a magavana undumwe na maavitha a thirikari mavangite gutumira njira cia ngungo na gwitumira mbeca icio akauntiri ciao o ene, guku akiruta mukana mururu kwio na kuuga aria makunyitwa magika uguo nimagwocerwa makinyo maruru ma watho.
Wauguo, Mbarak niutarite andu acio na kuuga gutiri vata ya gwoca mbeca iria ciigitwe cia gutethereria andu niguo kwiguna na kuuga aria makoretwe magiika uguo miaka ya navau mbere matirikagia wega.
Kunari uguo, Mbarak niuritie akenya gukorwa mari metho na gutigirira mbeca icio niciamatethia kuvurana na mitino iria yukanagia na El-Nino guku akiuria akenya kuvura rivoti cionthe iria ikonania mbeca cia El-Nino igitumika na njira iria itagirire ovicire cia komiconi iyo.
-Murugi Ndwiga-
-mbica irutitwe online-
