Kamiti ya kurumbuiya mathiri kana niyonanitie kurega kwiganira niundu wa maroni manene maria thirikari iroca na maria uvoro wigie mbeca icio utaramenyeka.
Kamiti iyo yugite maruni mau, nimagutuma mukenya avinyiririke niundu wa mbeca nyiingi iria itinagua riria maruni mau mararivwa.
Kuringana na rivoti iria yatwarirwe bungeri ya vururi mweri wa gatano mwaka muthiru, na mweri wa kana mwaka uyu, Kenya yocete maruni 19 kuuma mavururi mengi ma mwigana wa birioni 213.24 na varia giunji kia 11% nikio Kenya yamukirite.
Rivoti ya kamiti iyo wauguo ironania gatagati ka mweri wa gatano na wa kanana mwaka muthiru, runi rwa mwigana wa birioni 105.06 nirwocirwe ni thirikari guku maruni mengi manana ma mwigana wa ciringi birioni 43.38 nimocirwe gatagati ka mweri wa kenda na mweri wa December mwakari wa ucio.
Wauguo, rivoti iyo ithiete na mbre kuuga gatagati ka January na mweri wa kana mwaka uyu, maruni matano ma mwigana wa ciringi birioni 64.8 nimacotwe undu uria kamiti iyo yugite uvoro makiria wegie maruni mau, nduramenyekana.
Kuringana na rivoti ya kamiti iyo maruni maria mengi gatagati ka mau 19, makarekererwa mwaka wa 2027 undu uria kamiti iyo yugite niugwati niundu ugakorwa wi mwaka wa ithurano nene.
-Murugi Ndwiga-
-Mbica irutitwe online-
