Maavitha a uthuthuria wa wii nai nio DCI nimamatitite mundumurume umwe uria urekuirwa gukorwa atongoretie uthondekiri wa mbeca itari cia uma, mwigana wa trillioni 439.
Isaiah Aluodo Belek, amatiritwe mwena wa Gigiri, kaunti ya Nairobi, na varia aratanyite gutumira mbeca io kuvenia ageni kuuma vururi wa Dutch.
Thiini wa mungururio ucio, maavitha a DCI nimavotete kwamata ekuirwa engi na aria marakuruvanwa na biacara inyo guku makigwata mbeca muthemba wa dolla na iria itari cia uma, uniform cia vorithi, gatagati ka indo ciingi.
Riu mwikuirwa uyu arigiriritwe ni maavitha DCI vamwe na ngari yake muthemba wa Mercides iria irekuirwa gukorwa iitwe.
Wauguo mwikuirwa uyu vamwe na acio engi mamatite magakinywa igotire njumatatu na kuthitangwa na mavitia ma kuthondeka mbeca cia maveni, gukorwa na marua itari cia uma cia bangi undumwe na kwithirwa na uniform cia maavitha avorithi iria ni mugaru na watho.
Ekuirwa engi anana na aria maikirwe ngono ni DCI, ni vamwe na Moses Otieno, Peter Aura, Brian Waweru, John Kalombo, Peter Kisanya, Noah Ouma, Charity Njeri na Mercy Cheptoo.
-Murugi Ndwiga-
-Mbica irutitwe online-
