Komiconi ya kuruwa na ungumania vururiri nio Ethics and Anti-corruption Commission yugite niirarumiriria uria maundu marathie na mbere megie biacara ya maguta ma birioni 17 na iria irakuruvania muvui biacara Ann Njoroge.
Akiaria ari kaunti ya Mombasa, mururngamiriri munene wa Komiconi iyo Twalib Mbarak augite kavindari gaka komiconi iyo ndiamurite kana niikwambiriria kuthuria muvuri biacara ucio na kuuga wanathengia ya mung’ethaniro kuria komiconi iyo kuthuthuria biacara ya maguta ya Ann Njoroge, komiconi iyo nwanginya igie wyiira mwiganu niguo kwambiriria uthuthuria.
Mbarak akithie na mbere augite wanagukorwa muvuri biacara ucio akoretwe akimurikwa ni nyomba cia movoro gwa kavinda, komiconi iyo tingiu wyiira wa kwambiriria kumuthuthuria na kuuga ingigia wyiira ucio niikwambiriria gwika uthuthuria wake imwe kwa imwe itaguta kavinda.
-Murugi Ndwiga-
-Mbica irutitwe online-
