Mutongoria wa vururi rais William Ruto niwirite muungano wa mavururi ma ruraya nio European Union, Kenya niikuthie na mbere kunyita mbaru mivango ya kureta thayu mavururiri ma gitaru kia Africa ta Sudan na Somalia na mavururi mengi ma nthi maria mari na mbaara.
Akiria vindi ya mucemanio wa marais ma muungano wa EU, Ruto augite iri njira imwe ya kumatia ngwataniro gatagati ga Kenya na mavururi ma ruraya, Kenya niirutirite kuthie na mbere na muvango wake wa kugaciria thayu mavururiri ma Africa maria maokretwe magumiritwe ni mbaara undumwe na vururi wa Haiti guku akiuria muungano ucio wa mavururi ma ruraya, kunyita Kenya mbaru muvangori wake wagutuma maavitha aake a mbiraru vururiri wa Haiti kuthie kumatia ugitiri na kureta thayu.
-Murugi Ndwiga-
-Mbica irutitwe online-
