Itoi mugwanja nicikitwe ngono muthenya wegoro iturari ria Hawinga mwena wa Alego-Usonga kauntiri ya Siaya.
Ekuirwa aya maikitue ngono kurumirira unyitaniri gatagati ka nvonge ngurani na iria ni, maavitha a vorithi, maavitha a uthuthuiria kuma mwena wa siaya wavamwe na aria a kurua na itoi kuma Busia na timu ya mwanya kuma Nairovi nio special team.
Kumana na rivoti kuma kuri maavitha a vorithi unyitaniri ucio wa nvonge ino irathiururukire maturari ma Hawinga na Uranga thiini wa ucarania wa itoi icio na varia maravotire gwikia ngono itoi cia mbere ithathatu.
Kurumirira mungururio ucio maavitha acio nimavotete kunyita matharaita matiganite ta ivanga igiri,tuviu tutandatu wavamwe na mavuku mengi ma dini ya ithiramu.
Vuvari maavitha acio maracokire marathii na mbere na mungururio ucio mwena wa Nyandorera vakuvi na itura ria Udamayi na magikia ngono mwikuirwa wingi umwe na magikia ngono indo itiganite cia kiithiramu,iratu cia thigari, vangi wa gramu 200, mivuko ya kijeshi, itimu rimwe gatagati ka indo ciingi.
Riu ekuirwa aya mathiite na mbere kurigirirua gituori kia vorithi gia Siaya guku uthuthuria ukigendaga na mbere.
-MUNENE NYAGA-
Mbica irutitwe online