Cira niubanditwo igotini ugitetia maumirira ma kigeranio gia KCPE, maria mararekereirio ni kanju nene ya igeranio kiumia kibituku.
Ciraini uyu, aciari a arutwo kuuma cukuru wa Set Green Hill Academy Mixed Day Boarding and Junior school mwena wa Kisii,marenda igoti kurugamia woyani wa form one,uria utanyitwo kwambiriria muthenya wa ruciu.
Bari cira uyu, muciari wa murutwo uyu wa muiritu augite ndenaiganira na uria maratathi make maramarkirwo, guku akiuga maumirira maria aranyitire nimaramurebeire meciria maingi.
Kuringana na aciari, woyani ucio wa form one ungiambiriria, matuku maria mabeanitwo ma thuku 90 cia kumurika maumirira macio, itigukorwo na muthingi.
Aciari aingi na arutwo nimonanitie kwaga kuiganira kwao bari maumirira macio, maria mararekereirio ni minister wa kithomo Ezekiel Machogu, murigo ugikuithio kanju ya igeranio KNEC, niundu wa mateta maria meumiritie.
–Muriithi Amos-
Mbica irutitwo online
