Anyiti itemi matiganite nimauritie thirikari ya kivururi kuvingia ciiraniro iria yerire iganda cia manjani kaunti ya Embu cia kumaretera macini cia kuthiia manjani ma manjani ma orthodox niguo kuvotithia murimi kugunika na urimi wake wa manjani.
Makiaria vindi ya kugwata ugeni uria uvetwe kandarathi ya waki wa nyomba cia kuiga macini icio kigandari kia manjani kia Mungania kauntiri ya Embu,mwenegiti wa ruvonge rwa kuthondeka na kwendia manjani vururiri rwa KTDA Enois Njeru auite mworoto wa ruvonge ruu ni gutigirira iganda 12 niciareterwa macini icio thiini wa itiina ria mbere gutakugumirwa ni mathina wa monthe ma ki mbeca.
Mwenegiti wa kiganda kia Mungania Mwenje Njeru niutariritie mawega ma manjani ma orthodox guku akiuga nimagutethia murimi kugwata mbeca mbega cia maketha make.
Niuthiite na mbere kuuga arimi a manjani nimagokorwa magicemania mucemaniori wao uria ukoragwa wa mwaka niguo kwaririria maundu ma uthiei wa na mbere thiini wa sekta iyo.,
Ireri Njagi
Mbica irutitwe online
