Mungano wa Azimio la Umoja niutanyitwe gukorwa na mucemanio muthenya wa umunthi mwena wa Stephen Kalonzo Musyoka command centre.
Kuringana na ndumiriri iria irekereretue muthenya wa umunthi, mucemanio ucio na uria utongoretue ni mutongoria wa mungethaniro Raila Odinga utanyitwe kurorereria rivoti ya NADCO iria yavecanirwe ni kamiti ya kuthikiriria miario ya wigucano gata gati ka thirikari na mungethaniro.
Rivoti iyo na iria yarekererue muthenya wa njumamosi niyatuthurire mawoni matiganite kuma kuri akenya,na gutuma gukorwe na ngau gata gati ka thirikari na mungethaniro.
Mutongoria wa kiama kia NARC Martha Karua na minister wa ugitiri wa tene Eugene Wamalwa aria mari thiini wa miario iyo nimareganite na mendekithia maria mavecanitwe thiini wa rivoti iyo.
Atongoria acio maugite rivoti iyo ndianakuruvania gucaria ivonio cia mathina maria magumirite akenya ta kwambatira kwa ngarama ya muturire.
Ireri Njagi
Mbica irutitwe online
