Mivang’o ya kuvonokania niyambikitwe iturari ria Wahambla countiri ya Homa Bay vuva wa rui rwa Rangwena kuna utuku wegoro guku rukuvata ekari aria mekaraga dwereri cia tauni ya Homa Bay.
Unyitaniri gatagati ka anyiti itemi matiganite matongoretue ni ruvonge rwa muitharava mutune, kaunti Commissioner wa Homa Bay Moses Lelan na ngavana Gladys Wanga.
Andu aria marakururirue ni mai mau marakururirue nginya vakuvi na cukuru wa mucingi wa Rangwena.
Navau kavere micii itanyivirite 500 kuma itura ria Bala mwena wa Homa Bay gicigori mbunge kia Karachuonyo matigirwe matari na gwagwikara na kuviririrwa gucaria utethio cukururi cia Bala na Buru vuva wa mwicuro kugumira itura riao rionthe.
Riu ekari nimavitukirite athara nene guku makiuria thirikari itikire kumatethereria.
Gukinyaga riu ikuu iria cionthe ciumanite na mwicuro wa manji itinyivirite 120 guku nayo micii makiria ya 89,000 niithamithitue na mavetwe gwa gwikara thiini wa kambi 112 u ai kuringana na mwandiki munene Raymond Omollo.
-MUNENE NYAGA-
Mbica irutitwe online
