Mundumurume umwe wa ukuru wa miaka 60 kuma itura ria Kigoro, kaunti ya Murang’a niuragitwe ni andu mataramenyeka makienda amave ciringi ngiri 12 iria aragwatite vuva wa kwendia mburi.
Mundumurume ucio na uria uramenyeka ta Peter Kamau, auragitwe na ithanwa vuva ya andu acio gutonya mucii wake utuku wa kuramukira umunthi nakumuraga guku magitivangia mutumia wake Jane Waruguru vamwe na andu engi airi marari mucio ucio.
Kuringana na ekari a itura riu, Kamau auragitwe ni mwikuirwa munene na uria uramenyeka ta Wagathanwa na uria ekari acio maugite akoretwe akimanyamaria na kumaiya indo ciao.
Agikira mukonde rivoti ino, Komanda wa vorithi wa kaunti ya Murang’a Kainga Mathiu, augite uthuthuria niwambiriritie niguo kumenya uria uragite mundumurume ucio guku akiuria mwingi wa itura riu kwiyumiria na kwandikithia rivoti kwi vorithi niguo gutethereria maavitha a vorithi gwikia ngono uria utavanitie giko giki.
-Murugi Ndwiga-
-Mbica irutitwe online-
