Vamiri imwe gicugo mbunge kia Mwea kaunti ya Kirinyaga niiratara athara vuva wa mwaki kugumira mucii wao na kuvivia nyomba ya kuiga irio.
Alice Wakuthii na uria ni mutumia mwene mucio ucio augite na uria wi iturari ria Gitomboya wardiri ya Wamumu, kaunti ya Kirinyaga augite mwaki munene ututhukire thaa thitari cia utuku na kwambiriria kuvivia thitoo iri araigite ngunia mirongo ithatu cia mucere na iria ni cia mwigana wa ciringi ngiri magana mairi.
Wakuthii akithie na mbere augite mucere ucio arakethete kimera giki na aravangite kuwendia vuvari guku akiongerera kuuga mwaki ucio uvivitie indo cionthe nyombari iyo ya kuiga irio iyo undumwe na indo ciingi cia nyomba iria augite ivite vuva wa mwaki ucio gutamba nyombari iria mekaraga na ciana ciake.
Kavindari wa kau, Josphat Maina uria ni mwikari wingi wa itura riu augite nimageririe kuvoria mwaki ucio nwati wamakiria vinya na kuongerera kuuga wanagukorwa indo cionthe niivirirte mwaki ucio, nimavotire kugiria mwaki ucio gutamba nyombari iria ivakuvi na mucii ucio.
Riu maavitha a vorithi kuuma gituo kia vorithi kia Mwea nimambiriritie uthuthuria niguo kumenya kiumo kia mwaki ucio.
-Murugi Ndwiga-
-Mbica irutitwe online-
