Itu ria kieva nirigumirite ekari a itura ria Iria ria Urogi, mwena wa Kavengero, wardiri ya Evurori, gicigo mbunge kia Mbeere Yeguru vuva wa mwiri wa mwanake umwe wa ukuru wa miaka 25 akwiririte manjiri riria akugeragia kuvonokia mutwarithia wa vikiviki na mwana umwe aria maragwite manjiri mau.
Kuringana na ekari a itura riu, mwnake ucio na uria uramenyeka ta Denis Munene, avorokere manjiri mau riria atonyire kuo akigeria kuvonoikia mutwarithia umwe wa vikiviki namwana aria maragwite kuo.
Ekari acio, makithie na mbere maugite mambiririe gucaria mwanake ucio kiroko kia umunthi mathaari ma thaa inya.
Akiaria ari Kavengero MCA wa wardi ya Evurori Duncan Mbui niuvecanite ndumiriri yake ya gucakaya na vamiri ya mwanake ucio guku akiuria ekari a Evurori kwimenyerera na munokavindari gaka mbura iraura.
Mwenari wake umwe wa ekari a mwena ucio niuritie thirikari ya kaunti ya Embu na muno ruvonge rwa kuramata mitino ya nevenya gutigirira ndamu cionthe niciairigwa niguo kugiriria mitino ya muthemba ucio kumira mithenya yukite.
-Murugi Ndwiga-
