Umunthi nirio Joshua irungu na mwandiki wa tene wa movoro Jacqueline Maribe, aria nio ekwirwa anene mburaganori ya muvuribiashara Monica Kimani, mekumenya mwerekera wa cira yao riria igoti rinene ria Nairobi rigukorwa rigitua cira uyu .
Airi aya marakuruvanua na mburagano ya Monica Kimani uria wethirwe auragiritwe gwake mucii kuria Nairobi mweri wa kenda mwaka wa 2018.
Igoti riavatie kuvecana wamuri tariki 6 mweri wa ikumi mwaka uyu nwati muthenya ugicenjua vuva wa mucirithania Grace Nzioka gukorwa ategucaga waro.
Itua ria igoti umunthi rirarumirira kurikirirwa kwa nthitango iria ciambiririe mweri wa mugwanja riria mawakiri ma ekwirwa mauririe igoti kurekereria airi aya .
-Mugambi wa Njeru-
-Mbica ciumite online
