Mutongoria wa kiama kia ODM Raila Odinga, augite mungano wa Azimio la Umoja-One Kenya, nduvatii nikworotwa niundu wa kamiti iria iratwaragithia na mbere miario ya wigucano, kuremwa ni kwaririria ngarama ya iguru ya muturire.
Kavindari wakau Odinga augite ni wigiririki wa thirikari kugwithia ngarama ya iguru ya muturire . Mutongoria uyu wa mung’ethaniro augite Azimio niayatengemanirie ndereti ya ngarama ya muturire, wi undu umwe wa vata uria wavatie kwaririrua indi ya miario ino, nwati miena yonthe iri yaremwa ni kwigucana.
Kunari uguo, Odinga augite nwamakuthii na mbere gutindika thirikari kugwithia ngarama ya iguru ya muturire guku akiuga akenya maranyamara niundu wa thogora wa iguru wa indo.
Raila aritie uu ari gicigori mbunge kia Awendo kaunti ya Migori.
-Mugambi wa Njeru-
-Mbica ciumite online-
