Ucarania wa enji athatu a thahavu na aria maretikua gukorwa makuite kuma mwena wa Kurutyange thiini wa county ya Migori nwa urathii na mbere guku andu a mucii makimenereria thirikari ya county iyo wavamwe na thirikari nene.
Enji aya a thahavu maretikua gukorwa marikire mairi vuva wa macini iria matumagira kuvura mai kuthuka mai winjiri wa thahavu.
Munini wa County commissioner wa county nini ya Kuria yethuiro Andrew Mwiti augite ana acio marikire mairi na gukinyagia riu mavotete kuruta mwiri umwe tu.
Andu a mucii nimamenereretie thirikari niundu wa kurega kureta utethio wa nevenya.
Simon Mwita augite matiamukirite utethio wawonthe mithenya ina thiini wa ucarania uyu wa miri na guku akiuga kiria mavotete kuona tu nwa nduthi ya kuvura mai kuma kuri thirikari na iria itangivota kuruta mai mau.
Miario yake niikindiritwe ni Manuel Matiko, uria ugite mai na muvango wa gukombora nduthi ya kuvura mai na mamigurire maguta niguo mavote kuruta mai mau.
Wanakunari uguo enji a thahavu na aria maracarania na miri ya aru na ao nimaretikia nwa makuona miri iyo kavinda gatari kuraca.
-MUNENE NYAGA-
Mbica irutitwe online
