Munene wa maavitha a vorithi Japhet Koome nuuritie matereva gukorwa na wigiririki varavarari thiini wa kavinda gaka ka mambura ma thiguku niguo kunyivanyivia mitinu iria yongererekete na njira nene.
Thiini wa rivoti yake umunthi koome nuwonanitie kumaka gwake kumana na kwongerereka kwa mitinu ya ngari iria iretetwe ni gutura wigiiriki kuri atumiri onthe a varavara wavamwe na mbura nene iria ithiite na mbere kura miena itiganite guku vururiri.
Nariu Koome nuuritie wigiririki kuri matereva , athii a maguru wavamwe na aria makuagwa ni ngari wariri turi kavinda ka thiguku na andu engi mambiriritie kwova ng’endo ndaca.
Koome augite ruvonge rwa maavitha a vorithi nirukurutithania wira na nvonge ciingi aivamwe na NTSA na EACC niguo gutigirira mawatho ma varavara nimarumirirwa wavamwwe na kuthiria ungumania niguo kunyivia mitinu varavarari.
Kavindari wakau Koome nuuritie gucoka wira kwa nevenya kuri maavitha onthe a vorithi na aria mari rutha.
Akiorota mitinu iria iriga gwikika kauntiri cia Machakos na Nakuru na iria ya viririre ikuu cia andu matanyivirite 16, Koome augite mitinu ya varavara nio irareta ndivangio , wonje na ikuu na njira nene muno guku vururiri.
-MUNENE NYAGA-
Mbica irutitwe online
