Maavitha a mititu nimathondekete micemanio na muingi wa vamwe na anyiti itemi matiganite a mititu, kuma gicigo kia Mt Kenya niguo kwigucanira mawatho maria magirire ma utemi wa miti mitituri.
Mweri wa mugwaja mutongoria wa vururi Raisi William Ruto niwathengutirie mukana wa kugiria andu gutema miti na uria vuvari wacokire gutecanirua ni igoti mweri wa 10, guku anyiti itemi a kugitira maria maturigiciritie makiuria muingi ukorwe ugikuruvanua vari undu uyu.
Riu maavitha ama ma mititu maugite utemi wa miti mitituri niugukorwa ukithondeka mieke ya mawira makiria kuria aria maruta wira wa bao, na wavo withire matirathii kugura bao nja ya vururi.
Kavindari wakau umwe wa aria marutaga wira wa bao niucokeretie thirikari ngatho niundu wa kumetikiria gutema miti mitituri, akiuga ikinyo riri nirigutethereria vari kuvonokia miti iria yoragira mitituri ino.
-Mugambi wa Njeru-
-Mbica ciumite online-
